https://peertube.eus/videos/watch/0cae35f6-0b17-469c-aa42-bf3ee8b5deb2 Elkarlan honi esker, LAB sindikatuak bere telekomunikazio- eta egoitzetako energia-hornikuntzak Izarkom eta Goienerrekin dauzka kontratatuak. LABeko bozeramaile den Iratxe Delgadok adierazi duen moduan, “sindikatuak, bere eguneroko kontsumoak ikuspegi kontziente eta konprometituz egin nahi ditu, adibide eredugarri izanda.” Izarkomeko Iker Garaialdek aipatu duenez, garrantzitsua da erakustea ekonomia sozial eraldatzaileko alternatibak ez direla norbanakoei zuzendurikoak bakarrik, baizik eta erakunde handiagoei ere zerbitzua emateko baldintzetan direla egun Euskal Herrian. Goienerreko Maria Arretxeren ustez, elkarlan hau ez da hornidura kontratuetan soilik geldituko. Etorkizunera begira, bide berriak aztertzen hasiak gara elkarrekin: adibidez, LABen eraikinetan autokontsumo berriztagarrirako instalazioak aztertzen ari gara, gure zerbitzu-dosierreko beste hainbat aukerarekin batera. Eragileek adierazi dute eredu zentralizatuaren aurrean, “kontsumitzaile huts izatetik energia garbia komunitatean ekoiztera” igaro behar dugula, trantsizio ekosozial justuan urrats berriak ematen jarraitzeko. Wed, 30 Sep 2026 16:48:39 GMT https://validator.w3.org/feed/docs/rss2.html PeerTube - https://peertube.eus https://peertube.eus/client/assets/images/icons/icon-512x512.png https://peertube.eus/videos/watch/0cae35f6-0b17-469c-aa42-bf3ee8b5deb2 All rights reserved, unless otherwise specified in the terms specified at https://peertube.eus/about and potential licenses granted by each content's rightholder.